Azərbaycanın 18 yaşadək basketbolçulardan ibarət milli komandası Avropa çempionatının C Divizionunda 3-cü yer uğrunda görüşə çıxıb.
"Report"un məlumatına görə, rəqib Lüksemburq yığması olub.
Görüşün ilk və üçüncü hissəsində 20:16 və 19:16 hesablı üstünlük qazanan Azərbaycan yığması ikinci hissədə heç-heçə edib - 18:18. Dördüncü hissədə isə Lüksemburq təşəbbüsə yiyələnərək, 17:7 hesablı üstünlüklə ümumi nəticəni bərabərləşdirib - 64:64. Görüşün taleyi əlavə hissədə həll olunub. Bu bölümdə 14:9 hesabı ilə üstün olan Azərbaycan millisi yekunda 78:73 hesablı qələbə ilə bürünc medala yiyələnib.
Qeyd edək ki, Tahir Baxşıyev və Anar Sarıyevin baş məşqçi olduğu kollektiv qrup mərhələsində Lüksemburq (75:71), Cəbəllütariq (115:60), Ermənistan (76:65) və Moldovaya (75:66) qalib gəlsə də, yarımfinalda Albaniyaya (56:76) uduzub. Finalda Monako və Albaniya yığmaları qarşılaşacaq.
![](https://static.report.az/photo/a25ae51c-d69d-367e-8aea-1bbcda19ac8f_300.jpeg)
![](https://static.report.az/photo/c8342f1d-5efc-3922-8e31-df711b0bae05_300.jpeg)
![](https://static.report.az/photo/eba3d498-728e-3716-84ea-84e9d513f36d_300.jpeg)
![](https://static.report.az/photo/f1d37bd2-9de2-3b49-b18c-f6977ee4706d_300.jpeg)