Azərbaycanın basketbol milliləri Belarusa yollanıblar

Azərbaycanın yeniyetmə oğlan və qızlardan ibarət U-16 basketbol milliləri Belarusa yollanıblar.

"Report" xəbər verir ki, bu barədə Azərbaycan Basketbol Federasiyasının mətbuat xidməti məlumat yayıb.

Yığmalarımız sözügedən ölkədə Vladimir Rejenkovun xatirəsinə həsr olunan XXVII beynəlxalq turnirdə iştirak edəcəklər.

Qeyd edək ki, yarış dekabrın 6-dan 8-dək keçiriləcək.