Yuxarı

​Azərbaycan millisinin Avropa Liqasındakı final matçlarının başlama vaxtı açıqlanıb

İlk oyun iyunun 30-da olacaq

Bakı. 28 iyun. REPORT.AZ/ Voleybolçu qadınlardan ibarət Azərbaycan millisinin Slovakiya ilə keçirəcəyi Avropa Liqasının final oyunlarının yeri və başlama saatı açıqlanıb. "Report"un məlumatına görə, ilk matç iyunun 30-da Nitra şəhərindəki idman sarayında olacaq. 

Bakı vaxtı ilə saat 20:00-da başlanacaq görüşü serbiyalı Mirko Yankoviç və macarıstanlı Eva Tibor idarə edəcək.

Cavab görüşü isə iyulun 3-də Bakı İdman Sarayında baş tutacaq. İtaliyalı Corco Qnani və hollandiyalı Helena Geldofun idarə edəcəyi oyun saat 18:00-da başlayacaq.

Qeyd edək ki, Azərbaycan millisi yarımfinalda Yunanıstanı, Slovakiya Sloveniyanı məğlub edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi