Azərbaycan komandası qarüstü polo üzrə Dünya Kubokunda yarımfinala yüksəlib

Azərbaycanın polo üzrə "Land of Fire-Azerbaijan" komandası İsveçrənin Sankt Moritz şəhərində keçirilən Dünya Kubokunda yarımfinala vəsiqə qazanıb.

Dövlət Sərhəd Xidmətindən (DSX) "Report"a verilən məlumata görə, kollektiv qarüstü polo üzrə sayca 38-ci yarışın 1/4 finalında "Flexjet" ilə qarşılaşıb. Rəqibinə 5:3,5 hesabı ilə qalib gələn Azərbaycan təmsilçisi adını yarımfinala yazdıran ilk komanda olub.

"Land of Fire-Azerbaijan" qələbəsini bu gün Azərbaycanın İrandakı səfirliyində törədilmiş xain terror aktının qarşısını alarkən qəhrəmancasına şəhid olmuş baş leytenant Orxan Əsgərovun əziz xatirəsinə həsr edib.