Azərbaycan gimnastları Almaniyada Dünya Kubokunda iştirak edəcəklər

Batut gimnastikası üzrə Azərbaycan millisi martın 23-24-də Almaniyanın Kotbus şəhərində keçiriləcək Dünya Kubokunda iştirak edəcək.

"Report" Azərbaycan Gimnastika Federasiyasının mətbuat xidmətinə istinadən xəbər verir ki, baş məşqçi Vladimir Şulikinin rəhbərliyi altında Selcan Mahsudova, Hüseyn Abbasov, Mehdi Əliyev və Nicat Mirzəyev ölkəmizi təmsil edəcəklər.

Beynəlxalq dərəcəli hakim Kamil Quliyev Dünya Kubokunda əsas referilərdən olacaq.