Azərbaycan Basketbol Liqası: I turda bu gün daha iki görüş baş tutacaq

Azərbaycan Basketbol Liqasında cari mövsümün ilk turunda bu gün daha iki qarşılaşma baş tutacaq.

"Report"un məlumatına görə, əvvəlcə NTD və "Abşeron" komandaları üz-üzə gələcək.

Görüş Bakı İdman Sarayında baş tutacaq. Matç saat 12:30-da başlayacaq.

Digər qarşılaşma isə "Lənkəran" və "Gəncə" komandaları arasında baş tutacaq. Lənkəran Olimpiya İdman Kompleksində keçiriləcək oyunun start fiti saat 14:00-da səsləndiriləcək.

Qeyd edək ki, I tura oktyabrın 20-də yekun vurulacaq. Azərbaycan Basketbol Liqasında 12 komanda mübarizə aparır.