Avropa Kuboku: “Kür” III mərhələdə İslandiya klubu ilə qarşılaşacaq

Kişi həndbolçulardan ibarət “Kür” kollektivi Avropa Kubokunun III mərhələsində İslandiyanın “Haukar” klubu ilə qarşılaşacaq.

"Report" xəbər verir ki, təmsilçimiz bu mərhələnin ilk oyununa səfərdə çıxacaq.

Raundun ilk qarşılaşmaları noyabrın 23-24-də, cavab qarşılaşmaları isə noyabrın 30-u və dekabrın 1-də keçiriləcək.

Qeyd edək ki, Mingəçevir klubu II mərhələdə Kiprin “Parnassos Strovolu” komandasına qalib gəlmişdi (32:29, 35:31).