Avropa çempionatı: Azərbaycan millisinin son iki görüşünün vaxtı müəyyənləşib

Azərbaycanın qadın basketbolçulardan ibarət millisinin Avropa çempionatının seçmə mərhələsində keçirəcəyi son iki görüşün məkanı və başlama saatları müəyyənləşib.

Bu barədə "Report"a Azərbaycan Basketbol Federasiyasının mətbuat xidmətindən məlumat verilib.

Millimiz fevralın 6-da Ostende şəhərindəki "COREtec Dome" arenada qrup lideri Belçika yığmasının qonağı olacaq. Bundan üç gün sonra isə komanda "Sərhədçi" İdman Mərkəzində Polşanı qəbul edəcək.

Qeyd edək ki, Belçika yığması ilə oyun Bakı vaxtı ilə saat 23:15-də, Polşaya qarşı matç isə 17:00-da başlayacaq. Yarışın final mərhələsi 2025-ci ilin iyununda baş tutacaq.