Amerikalı basketbolçu Rusiya klubu ilə 750 metr dərinlikdəki mədəndə müqavilə imzalayıb

Amerikalı basketbolçu Kasper Uor Rusiyanın ÇSKA klubu ilə 750 metr dərinlikdə yerləşən mədəndə yeni müqavilə imzalayıb.

“Report” Moskva klubunun mətbuat xidmətinə istinadən xəbər verir ki, basketbolçu müqaviləyə Norilskdəki "Oktyabrski" mədənində qol çəkib.

Qeyd edək ki, 2022-ci ildən ÇSKA klubunun formasını geyinən 34 yaşlı idmançı ötən mövsüm VTB Birləşmiş Liqasının çempionu olub. K.Uor bu müddət ərzində meydana çıxdığı 42 matçda orta hesabla 14,5 xal toplayıb və 4,1 məhsuldar ötürmə edib.