Yuxarı

400 nəfərdən artıq AMAL-çı gənc üçün təlimlərə başlanılıb

​400 nəfərdən artıq AMAL-çı gənc üçün təlimlərə başlanılıb

Kənd Təsərrüfatı Nazirliyinin Aqrar Məşğulluğun Artırılması Layihəsi (AMAL) üzrə növbəti mərhələyə keçmiş gənclər üçün bu gündən təlimlər başlayıb.

Bu barədə "Report"a Nazirlikdən bildirilib. 

Layihəni həyata keçirən Aqrar Kredit və İnkişaf Agentliyinin (AKİA) məlumatına görə, İmişli, Bərdə və Zaqatala rayonlarında keçirilən təlimlər biznes ideyalarının işlənməsi və layihələrə çevrilməsi mövzusuna həsr olunub.

“İlk təlimlərdə gənclərin fəallığını və aqrar biznesə böyük həvəsini hiss etdik. Gənclərin biznes ideyalarının reallığa uyğun olması xüsusilə diqqətimizi cəlb etdi. Misal üçün qeyd edim ki, İmişli rayonundakı təlimdə iştirakçıların dərs zamanı çəkdikləri nümunələrdən, tapşırıqlardan heyvandarlıq sahəsinə böyük maraq göstərdiklərini müşahidə etdik. Əminik ki, nümunə üçün təklif edilən layihələr dayanıqlı bizneslərin əsasına çevrilə biləcək”, - deyə AKİA-nın sədr müavini Namiq Məmmədov bildirib.

Qeyd edək ki, kənd yerlərində gənclərin aqrar məşğulluğunu artırmaq məqsədi daşıyan AMAL-a ölkə üzrə 1000-dən artıq gənc müraciət edib. 400-dən çox gənc layihədə iştirak üçün ikinci mərhələyə - təlimlər mərhələsinə keçə bilib. Amal.gov.az saytında yerləşdirilmiş siyahıya görə, ilkin təlim mərhələsinə 20-dən artıq rayondan AMAL-çı seçilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi