Yasamalda yük avtomobilinin ağaca dəyməsi nəticəsində sıxlıq yaranıb

Bakı şəhərinin Yasamal rayonunda yük avtomobilinin ağaca dəyməsi nəticəsində sıxlıq yaranıb.

“Report” xəbər verir ki, bu barədə Dövlət Yol Polisinin mətbuat xidməti məlumat yayıb.

“Hazırda paytaxtın Yasamal rayonu Ə. Haqverdiyev küçəsi ilə Ə. Cəmil küçəsinin kəsişməsində yük avtomobilinin ağaca dəyməsi nəticəsində sıxlıq yaranıb. Bakı Şəhər DYP İdarəsinin əməkdaşları tərəfindən hərəkət iştirakçılarının təhlükəsizliyinin təmin edilməsi istiqamətində müvafiq tədbirlər görülür”, – məlumatda qeyd olunub.