Yanvarda Azərbaycan nəqliyyat vasitələri hissələrinin idxalına çəkdiyi xərci 74 % artırıb

Bu ilin yanvar ayı ərzində Azərbaycan 326 milyon 004,91 min ABŞ dolları dəyərində nəqliyyat vasitələri və onların hissələrini idxal edib.

“Report” Dövlət Gömrük Komitəsinə istinadən xəbər verir ki, bu, 2022-ci ilin yanvar ayı ilə müqayisədə 139 milyon 101,76 min ABŞ dolları və ya 74,4 % çoxdur.

Ötən ay ərzində nəqliyyat vasitələri və onların hissələrinin idxalı Azərbaycanın ümumi idxalının 23,08 %-ni təşkil edib.

Qeyd edək ki, bu ilin yanvar ayında Azərbaycan xarici ölkələrlə 3 milyard 289,5 milyon ABŞ dolları dəyərində ticarət əməliyyatı aparıb. Aylıq xarici ticarət dövriyyəsinin 1 milyard 876,8 milyon ABŞ dolları ixracın, 1 milyard 412,7 milyon ABŞ dolları isə idxalın payına düşüb.