Xarici aviaşirkət Azərbaycandakı müştəriləri üçün bileti 30 % ucuzlaşdırıb

"Türk Hava Yolları" (THY) şirkəti Azərbaycana uçuşlar həyata keçirməsinin 30 illiyi münasibəti ilə yeni kampaniyaya start verib.

“Report” şirkətə istinadən xəbər verir ki, kampaniya aviabiletlərin 2 gün 30 % ucuz satılmasını nəzərdə tutur.

Belə ki, Türkiyə istiqamətində keçərli olacaq kampaniya çərçivəsində biletləri bu gün və sabah endirimlə almaq olar. Endirim təkcə Bakıdan deyil, həm də Gəncə və Naxçıvandan İstanbula yerinə yetirilən aviareyslərə aiddir. Məsələn, Bakı – İstanbul istiqamətində qiymət vergilər daxil olmaqla 165 Avrodan başlayır.