Standartlaşdırma, Metrologiya və Patent üzrə Dövlət Komitəsi ləğv edilib, iki dövlət agentliyi yaradılıb

Standartlaşdırma, Metrologiya və Patent üzrə Dövlət Komitəsi ləğv edilib, iki dövlət agentliyi yaradılıb Prezident İlham Əliyev bununla bağlı sərəncam imzalayıb
İnfrastruktur
20 Aprel , 2018 18:57
Standartlaşdırma, Metrologiya və Patent üzrə Dövlət Komitəsi ləğv edilib, iki dövlət agentliyi yaradılıb

Bakı. 20 aprel. REPORT.AZ/ Prezident İlham Əliyev istehlak bazarına nəzarət, standartlaşdırma, metrologiya və əqli mülkiyyət hüquqları obyektlərinin mühafizəsi sahəsində idarəetmənin təkmilləşdirilməsi ilə bağlı tədbirlər haqqında sərəncam imzalayıb.

"Report" xəbər verir ki, sərəncama əsasən, Azərbaycan Respublikasının İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti əsasında mərkəzi icra hakimiyyəti orqanı olan Azərbaycan Respublikasının Antiinhisar və İstehlak Bazarına Nəzarət Dövlət Agentliyi yaradılıb.

Azərbaycan Respublikasının Müəllif Hüquqları Agentliyinin və Patent və Əmtəə Nişanları Mərkəzinin birləşmə formasında yenidən təşkili yolu ilə isə Azərbaycan Respublikasının Əqli Mülkiyyət Agentliyi yaradılıb.

Həmin sərəncamla Azərbaycan Respublikasının Standartlaşdırma, Metrologiya və Patent üzrə Dövlət Komitəsi ləğv edilərək qurumun texniki tənzimləmə, standartlaşdırma, metrologiya, uyğunluğun qiymətləndirilməsi, akkreditasiya və keyfiyyətin idarə edilməsi sahəsində səlahiyyətləri Antiinhisar və İstehlak Bazarına Nəzarət Dövlət Agentliyinə, sənaye mülkiyyəti obyektlərinin mühafizəsi sahəsində səlahiyyətləri isə Əqli Mülkiyyət Agentliyinə verilib.

Son xəbərlər

Orphus sistemi