"Silk Way Airlines" və "Antonov" 10 ədəd təyyarənin alınması ilə bağlı müqavilə imzalayıb

Bakı. 17 iyun. REPORT.AZ/ Azərbaycanın "Silk Way Airlines" şirkəti və Ukraynanın "Antonov" dövlət müəssisəsi arasında 10 ədəd "An-178" tipli təyyarəsinin alınması barədə müqavilə imzalanıb.

"Report" Ukraynanın "ТСН" kanalına istinadən xəbər verir ki, müqavilə "Le Burje" sərgisi çərçivəsində imzalanıb.

İyunun 15-də Parisin şəhərətrafı rayonu olan Le Burjedə dünyada ən böyük aerokosmik salonlarından biri "Paris Air Show 2015" sərgisi açılıb. Öz ekspozisiyalarını dünyanın 50 ölkəsindən 2260 iştirakçı nümayiş etdirib.