“Şarl de Qoll” hava limanı iyunun 9-na olan uçuşların bir hissəsini ləğv edib

Parisin “Şarl de Qoll” hava limanı işçi heyətinin tətili səbəbindən iyunun 9-u saat 07-dən 14-dək olan uçuşların təxminən dördə birini ləğv edib.

“Report” xəbər verir ki, bu barədə “Le Figaro” məlumat yayıb.

Tətilçilər əmək haqlarının artırılmasını tələb edirlər. Hava limanı əməkdaşlarının daxil olduğu 7 Həmkarlar İttifaqı əmək haqlarının təxminən aylıq 300 avro artırılmasını tələb edir.

Tətil səbəbindən “Air France” aviaşirkəti yaxın və orta məsafəli 85 reysini ləğv edib.