Qarabağa doğru istiqaməti və məsafəni bildirən lövhələr quraşdırılır

Azərbaycanın işğaldan azad edilmiş ərazilərinə doğru istiqaməti və məsafəni bildirən məlumatverici lövhələrin quraşdırılması davam edir.

“Report” xəbər verir ki, bu barədə Azərbaycan Avtomobil Yolları Dövlət Agentliyinin (AAYDA) açıqlamasında bildirilir.

Məlumatda həmçinin deyilir ki, indiyə qədər magistral və respublika əhəmiyyətli avtomobil yollarında 26 ədəd bu cür lövhə yenilənib, 20 yeni lövhə quraşdırılıb. Qısa müddət ərzində daha 15 lövhənin yenilənməsi və 10 yeni lövhənin quraşdırılması nəzərdə tutulur.