Naxçıvanda əsas kapitala vəsait qoyuluşu 1 %-dən çox artıb

Vəsait qoyuluşları çərçivəsində 2021-ci ilin yanvar-noyabr aylarında Naxçıvan Muxtar Respublikasında bütün maliyyə mənbələrindən əsas kapitala 961 milyon 676,2 min manat vəsait yönəldilib.

Bu barədə “Report” yerli Dövlət Statistika Komitəsinə istinadən xəbər verir.

Bildirilir ki, bu da bir il öncəki göstəricidən 1,3 % çoxdur.

Əsas kapitala yönəldilmiş vəsaitin 914 milyon 688,4 min manatı və ya 95,1 %-i tikinti-quraşdırma işlərinin payına düşüb.