Naxçıvan şəhərində yeni yaşayış kompleksinin təməli qoyulub  

Naxçıvan Muxtar Respublikası Ali Məclisinin Sədri Vasif Talıbov Naxçıvan şəhərində yeni tikiləcək “Gənclər Yaşayış Kompleksi”nin layihəsinə baxıb.

Bu barədə “Report” Ali Məclisin mətbuat xidmətinə istinadən xəbər verir.

Məlumata görə, kompleks 7 doqquzmərtəbəli binadan ibarət olacaq. Yaşayış binalarında 2-3-4 otaqlı olmaqla, 378 mənzil olacaq. Kompleksdə həyətyanı sahə və istirahət parkı yaradılacaq.

Ali Məclisin Sədri yaşayış kompleksinin təməlini atıb, tikintinin keyfiyyətlə aparılması və mənzillərin sərfəli ipoteka şərtləri ilə gənc ailələrə satışı barədə tapşırıqlar verib.