Naxçıvan iqtisadiyyatına investisiya qoyuluşu cüzi artıb

Bu ilin I yarısında Naxçıvan MR-da bütün maliyyə mənbələrindən əsas kapitala 564,6 milyon manat vəsait yönəldilib.

Bu barədə “Report” yerli Dövlət Statistika Komitəsinə istinadən məlumat verib.

Məlumata görə, bu, ötən ilin eyni dövrü ilə müqayisədə 0,4% çoxdur.

6 aylıq investisiya qoyuluşunun 542 milyon manatı və yaxud 96%-i tikinti-quraşdırma işlərində istifadə edilib ki, bu da bir il öncəki göstəricidən 0,8% çoxdur.

Yanvar-iyun aylarında muxtar respublikada 116 müxtəlif təyinatlı obyekt tikilib, yenidən qurulub və yaxud əsaslı təmir olunub, 168 müxtəlif təyinatlı obyektin tikintisi, yenidən qurulması və yaxud əsaslı təmiri davam etdirilib.