Naxçıvan iqtisadiyyatına investisiya qoyuluşu 1%-ə yaxın artıb

Bu ilin yanvar-sentyabr aylarında Naxçıvan MR-da bütün maliyyə mənbələrindən əsas kapitala 797,6 milyon manat vəsait yönəldilib.

“Report” yerli Dövlət Statistika Komitəsinə istinadən xəbər verir ki, bu, ötən ilin eyni dövrünə nisbətən 0,9% çoxdur.

9 aylıq investisiya qoyuluşunun 764,4 milyon manatı və yaxud 95,8%-i tikinti-quraşdırma işlərinə yönəldilib. Bu isə illik müqayisədə 1,9% çoxdur.

Hesabat dövründə muxtar respublikada 217 müxtəlif təyinatlı obyekt tikilib, yenidən qurulub və yaxud əsaslı təmir olunub, 207 müxtəlif təyinatlı obyektin tikintisi, yenidən qurulması və yaxud əsaslı təmiri davam etdirilir.