Bu ilin iyun ayında Rusiyanın paytaxtı Moskvadakı hava limanlarının sərnişin dövriyyəsi may ayı ilə müqayisədə 3,6 dəfə artıb.
“Report” bu barədə Rusiya mətbuatına istinadən xəbər verir.
Məlumata görə, ötən ay şəhərin Şeremetova, Domodedovo və Vnukovo aeroportlarının xidmətindən 1,8 milyon insan istifadə edib. Bu rəqəm əvvəlki ay 497 min nəfər olub.
Xatırladaq ki, Rusiyada daxili uçuşlar artıq bərpa edilib. Avqustun 1-dən etibarən beynəlxalq aviareyslərin bərpa olunması gözlənilir. İlk növbədə Böyük Britaniyanın paytaxtı Londona, Türkiyənin İstanbul və Ankara şəhərlərinə, 10 avqustdan etibarən isə - Bodrum, Dalaman və Antaliyaya uçuşlar həyata keçiriləcək.