Moskva aeroportlarında 50-dən çox reys təxirə salınıb

Moskva hava limanlarında əlverişsiz hava şəraiti səbəbindən 50-dən çox reys təxirə salınıb.

“Report” Rusiya KİV-lərinə istinadən xəbər verir ki, bu barədə Federal Hava Nəqliyyatı Agentliyinin (“Rosaviasiya”) məlumatında deyilir.

Qeyd edilib ki, “Şeremetyevo”, “Domodedovo” və “Vnukovo” hava limanları normal rejimdə işləyir, “Jukovski” hava limanı isə uçuş-enmə zolağının təmizlənməsi üçün bağlanıb.

Bildirilib ki, bu fonda 54 reys əlverişsiz hava şəraiti və digər səbəblərə görə qısa müddətə təxirə salınıb.