Ermənistan XİN rəhbəri: Türkiyə ilə Gümrü-Qars dəmir yolunun texniki imkanlarını qiymətləndirəcəyik

Ermənistan və Türkiyə Gümrü-Qars dəmir yolu xəttinin işə salınması üçün texniki tələblərin birgə qiymətləndirilməsi barədə razılığa gəliblər.

“Report” Ermənistan KİV-ə istinadən xəbər verir ki, bunu xarici işlər naziri Ararat Mirzoyan deyib.

“Bu, Ermənistan-Türkiyə birbaşa hava reyslərinin və qarşılıqlı yük daşımaları qadağalarının ləğvi barədə əvvəllər qəbul edilmiş qərarları tamamlayır. Bu, Ermənistan və Azərbaycan arasında dəmir yolunun açılması ilə birlikdə Fars körfəzi, Qara dəniz, Xəzər dənizi və Aralıq dənizi arasında səmərəli əlaqə təmin edəcək", - A.Mirzoyan qeyd edib.