MİDA Yasamalda 442 mənzilin seçimini yenidən həyata keçirəcək

Yasamal Yaşayış Kompleksinin 2-ci mərhələsində 442 mənzilin seçimi yenidən həyata keçiriləcək.

"Report" xəbər verir ki, bu barədə Dövlət Təhlükəsizliyi Xidməti və Mənzil İnşaatı Dövlət Agentliyinin mətbuat xidmətlərinin birgə yaydığı məlumatda bildirilib.

Qeyd olunub ki, məqsəd Agentliyin sərəncamında olan mənzillərin güzəştlə seçiminin ədalətli, şəffaf və bərabər şəraitdə keçirilməsini təmin etməkdir.

Mənzil seçimi prosesinin yenidən təşkil olunacağı tarix barədə ictimaiyyətə məlumat veriləcək.