İstanbul-Naxçıvan-İstanbul reysi üzrə uçuşlara başlanılıb - VİDEO

Bu gündən Türkiyənin İstanbul şəhərindən Azərbaycanın Naxçıvan şəhərinə və əks istiqamətdə uçuşlara başlanılıb.

"Report"un yerli bürosu xəbər verir ki, reysləri qonşu ölkənin “AJet” aviaşirkəti həftədə iki dəfə olmaqla (çərşənbə axşamı və şənbə günləri) həyata keçirir.

Yerli vaxtla saat 05.55-də İstanbuldakı Sabiha Gökçen beynəlxalq hava limanından səmaya qalxan təyyarə saat 09:05-də Naxçıvan aeroportuna enib.

Bu günə qədər Naxçıvan-İstanbul-Naxçıvan reyslərini "Türk Hava Yolları" şirkəti həyata keçirirdi və biletlərin qiyməti 300-600 manat arasında dəyişirdi. “AJet” üzrə qiymətlər isə 120 manatdan başlayır.