Horadizdə konteyner meydançası yaradılacaq

"Azərbaycan Dəmir Yolları" QSC-nin (ADY) Füzuli rayonunun Horadiz qəsəbəsindəki dəmir yolu stansiyasında konteyner meydançasının yaradılması nəzərdə tutulub.

Bunu "Report"un Türkiyə börüsuna açıqlamasında ADY-nin törəmə şirkəti "ADY Konteyner" MMC-nin direktoru Natiq Cəfərov bildirib.

O, həmçinin deyib ki, rəhbərlik etdiyi şirkət həm yükdaşımalar həyata keçirdiyi ölkələrin sayını, həm də daşıdığı yüklərin həcmini artırır: "Hazırda bu siyahıya Qırğızıstan, Özbəkistan, Qazaxıstan, Əfqanıstan, Türkiyə və bəzi Avropa ölkələri daxildir ki, onların hər birinə yükdaşımalarının həcmində artım müşahidə olunur".