Hidayət Məmmədov: "Metronun "8 Noyabr" stansiyası 3 səviyyəlidir"

"8 Noyabr" metro stansiyasının açılışı ilə "Bakı Metropoliteni" QSC-nin stansiyalarının sayı 26-ya, istismarda olan tunellərinin uzunluğu isə 40 km-ə çatıb.

"Report" xəbər verir ki, bunu jurnalistlərə açıqlamasında qurumun sədr müavini Hidayət Məmmədov bildirib.

Onun sözlərinə görə, "8 Noyabr" stansiyası başlanğıcını Bakının Xocasən qəsəbəsindən götürüb Qaraçuxur qəsəbəsinə qədər uzanacaq, 12 stansiyadan və 18,5 km uzunluğunda tuneldən ibarət Bənövşəyi xəttin 3-cü stansiyasıdır.

"Ümumilikdə 17 eskalator və 3 liftdən ibarət olan stansiya 3 səviyyəlidir və fiziki məhdudiyyətli şəxslərin sərbəs hərəkəti üçün lazımi şərait yaradılıb", - o deyib.