Gürcüstandan Türkmənistana yeni aviareys açılıb

Gürcüstanın "Georgian Airways" aviaşirkəti Tbilisi (Gürcüstan) - Meilan (Çin) - Türkmenabat (Türkmənistan) - Tbilisi (Gürcüstan) marşrutu üzrə yük aviareyslərinə başlayıb.

"Report" xəbər verir ki, bu barədə Türkmənabad Beynəlxalq Hava Limanının mətbuat xidməti məlumat yayıb.

Qeyd olunub ki, yeni beynəlxalq yükdaşıma əlaqəsi Türkmənistan ilə Gürcüstan arasında ticari-iqtisadi əməkdaşlığın gücləndirilməsi istiqamətində daha bir mühüm addım olacaq.