Gürcüstan noyabrdan 10 şəhərə aviareysləri bərpa edir

Noyabrın 1-dən etibarən Gürcüstanın Tbilisi və Kutaisi şəhərlərindən Avropa ölkələrinə müntəzəm aviareyslər bərpa olunacaq.

“Report”un yerli bürosu xəbər verir ki, bu barədə Gürcüstan hökumətinin qərarında bildirilib.

Tbilisi beynəlxalq hava limanından Doha, Varşava, Afina, Amsterdam, Vyana, Berlin, Milan, Kutaisi aeroportundan isə Katovitsa, Vilnüs və Dortmund şəhərlərinə uçuşlar həyata keçiriləcək.