EBRD İzmirdə metro tikintisinə 125 mln avro ayırdı

EBRD İzmirdə metro tikintisinə 125 mln avro ayırdı Avropa Yenidənqurma və İnkişaf Bankı (EBRD) Türkiyənin İzmir şəhərində metro tikintisinə 125 mln avro kredit ayırıb.
İnfrastruktur
360
29 İyul , 2021 14:37
EBRD İzmirdə metro tikintisinə 125 mln avro ayırdı

Avropa Yenidənqurma və İnkişaf Bankı (EBRD) Türkiyənin İzmir şəhərində metro tikintisinə 125 mln avro kredit ayırıb.

“Report” xəbər verir ki, bu barədə Bankın məlumatında deyilir.

Açıqlamada bildirilir ki, Türkiyənin 4,4 mln sakini və 3-cü böyük şəhəri olan İzmirdə tikiləcək yeni metro xətti təhlükəsiz və ekoloji cəhətdən təmiz nəqliyyat sisteminin formalaşmasına xidmət edəcək və şəhərin ən sıx regionu olan Bucada 500 min insana xidmət göstərəcək.

Qeyd edilən vəsaitin metro stansiyasının 1-ci fazasının tikintisinə sərf ediləcəyi qeyd edilir.

Yeni kredit EBRD-nin şəhərlə uzunmüddətli əməkdaşlığına əsaslanır və bu günə qədər ümumi dəyəri 159 mln avro olan vəsait ayrılıb.

Bunlara şəhərin Şərq-Qərb dəhlizi boyunca ümumi uzunluğu 7,2 km olan Fahrettin Altay-Narlidere-Kaymakamlık metro xəttinin tikintisini maliyyələşdirmək üçün ayrılan 80 milyon avro kredit və 25 milyon avroluq ortaq maliyyələşmə layihəsi, İzmir metro sisteminin 85 yeni nəqliyyat vasitəsi üçün 23,5 milyon avro maliyyələşməsi və beş yeni avtomobil bərəsi üçün 33 milyon avroluq kredit daxildir.

Qeyd edək ki, EBRD bu günə qədər Türkiyəyə 341 layihə üzrə 13 mlrd avrodan çox sərmayə qoyub və onun da 96 %-i özəl sektora yönəlib.

Son xəbərlər

Orphus sistemi