DGK-da qadınların gömrük orqanlarında xidmətə qəbulu ilə bağlı test imtahan mərhələsi keçirilib

DGK-da qadınların gömrük orqanlarında xidmətə qəbulu ilə bağlı test imtahan mərhələsi keçirilib Bakı. 14 dekabr. REPORT.AZ/ Bu gün Dövlət Gömrük Komitəsində (DGK) qadınların gömrük orqanlarında xidmətə qəbulu ilə əlaqədar növbəti müsabiqənin birinci - test imtahan mərhələsi keçirilib.
İnfrastruktur
129
14 Dekabr , 2018 14:42
DGK-da qadınların gömrük orqanlarında xidmətə qəbulu ilə bağlı test imtahan mərhələsi keçirilib

Bakı. 14 dekabr. REPORT.AZ/ Bu gün Dövlət Gömrük Komitəsində (DGK) qadınların gömrük orqanlarında xidmətə qəbulu ilə əlaqədar növbəti müsabiqənin birinci - test imtahan mərhələsi keçirilib.

Komitədən “Report”a verilən məlumata götrə, müsabiqədən əvvəl DGK sədrinin birinci müavini İsmayıl Hüseynov çıxış edərək bildirib ki, imtahan gender bərabərliyinin təmin olunması istiqamətində dövlət siyasətindən irəli gələn məsələlərin yerinə yetirilməsi məqsədilə təşkil olunub.

İ. Hüseynov qeyd edib ki, əsası Heydər Əliyev tərəfindən qoyulan və Prezident İlham Əliyev tərəfindən uğurla davam etdirilən davamlı iqtisadi inkişaf strategiyasının reallaşmasında DGK də mühüm rol oynayır. Gömrük işinin daha da səmərəli təşkil olunması məqsədilə gömrük sistemində ciddi islahatlar aparıldığını bildirən İ. Hüseynov nəticədə vakant yerlərin yarandığını diqqətə çatdırıb. Vurğulayıb ki, ölkədə aparılan uğurlu gender bərabərliyi siyasətinə töhfə vermək məqsədilə vakant yerlərı üçün elan olunan müsabiqədə yalnız qadın namizədlərin iştirakı məqsədəuyğun hesab olunub.

Bundan öncə xidmətə qəbulla bağlı keçirilən birinci müsabiqənin uğurla yekunlaşdığını diqqətə çatdıran İ. Hüseynov bu dəfə də layiqli namizədlərin müvəffəqiyyət qazanacağına əminliyini ifadə edib.

Sonra test imtahanına start verilib. Müsabiqədə 229 namizəd iştirak edir.

Qeyd edək ki, tam şəffaf şəkildə keçirilən imtahanların nəticələri informasiya texnologiyalarının tətbiqi hesabına dərhal elan edilir.

Son xəbərlər

Orphus sistemi