Deputat: “Şamaxıdakı problemlərin həlli zərurətə çevrilib”

Şamaxı 2023-cü il üçün türk dünyasının turizm paytaxtı seçilib. Bu səbəbdən rayonun problemlərinin həlli zərurətə çevrilib.

“Report” xəbər verir ki, bunu Milli Məclisin plenar iclasında deputat Tamam Cəfərova deyib.

“Rayonun Ərcivan, Qaleybuğrud, Keçməddin kəndləri yol və körpü infrastrukturu olmadığı üçün turizmdən kənarda qalıb, əhalisi köçüb. Bundan başqa, 2019-cu ildə baş vermiş zəlzələ nəticəsində dəymiş zərərin böyük hissəsi qarşılansa da, evləri hələ də təmir edilməmiş sakinlər var. Həmçinin rayonun bir sıra kənd və qəsəbələrində ciddi su çatışmazlığı problemi var. Sabir və Şəhriyar qəsəbələrinin su-kanalzasiya sisteminin yenidən qurulması ilə bağlı problemlər qalmaqdadır”, - o qeyd edib.