Çin Rusiya vasitəsilə Avropaya yük daşınmasını dayandırır

Çin Rusiya vasitəsilə Avropa İttifaqına (Aİ) yük daşımalarını dayandırır.

“Report” xəbər verir ki, bu barədə “Vedomosti” nəşri məlumat yayıb.

Mindən çox logistika şirkətini birləşdirən Təchizat Zənciri İdarəetmə Peşəkarları Şurasının iclası zamanı Ukraynada aparılan hərbi əməliyyatlar fonunda Çindən Aİ-yə dəmiryolu vasitəsilə yük daşınması dayandırılması haqqında qərar qəbul olunub.

Avtomobil nəqliyyatı vasitəsilə yük daşıması da çətinliklərlə üzləşib. Belə ki, Avropaya keçid məntəqələrində Aİ-nin gömrük orqanlarının çoxsaylı yoxlamaları böyük tıxaclara səbəb olub.

Ekspertlər hesab edirlər ki, hazırda tədarük zəncirlərinin yenidən qurulması qaçılmazdır.