Cənub-Qərb nəqliyyat marşrutu ölkələri logistika məhsulu yaradacaq

Bakı. 19 iyun. REPORT.AZ/ Cənub-Qərb nəqliyyat marşrutunun inkişafı üçün Azərbaycan, İran, Gürcüstan, Ukrayna və Polşa yeni logistika məhsulu yaratmalıdır.

"Report" xəbər verir ki, bunu qeyd edilən ölkələrin dəmir yolu rəhbərlərinin Bakıda keçirilən beştərəfli görüşündə "Azərbaycan Dəmir Yolları" QSC-nin sədri Cavid Qurbanov bildirib.

"Biz bu istiqamətdə imkanları araşdırmalı, mövqelərimizi yaxınlaşdırmalı, bu dəhlizin daha cəlbedici və tələbatlı olması üçün çalışmalıyıq. Çünki bunun üçün kommunikasiya imkanlarımız, istəyimiz və ən əsası siyasi iradəmiz var", - deyə C.Qurbanov əlavə edib.