BNA 57 nömrəli avtobusda baş vermiş insidentə aydınlıq gətirib

BNA 57 nömrəli avtobusda baş vermiş insidentə aydınlıq gətirib Bakı. 16 iyul. REPORT.AZ/ Bakı Nəqliyyat Agentliyi (BNA) bu gün 57 nömrəli avtobusun sürücüsünün maşını dayanacaqdan kənarda saxlamadığına görə sərnişin tərəfindən vurulması ilə bağlı məsələyə aydınlıq gətirib.
İnfrastruktur
107
16 İyul , 2018 10:54
BNA 57 nömrəli avtobusda baş vermiş insidentə aydınlıq gətirib
Bakı Nəqliyyat Agentliyinin sektor müdiri Mais Ağayev / Report/ Orkhan Azim

Bakı. 16 iyul. REPORT.AZ/ Bakı Nəqliyyat Agentliyi (BNA) bu gün 57 nömrəli avtobusun sürücüsünün maşını dayanacaqdan kənarda saxlamadığına görə sərnişin tərəfindən vurulması ilə bağlı məsələyə aydınlıq gətirib.

Bu barədə "Report"a agentliyin mətbuat xidmətinin rəhbəri Mais Ağayev məlumat verib.

Onun sözlərinə görə, insident 90 RB 868 dövlət nömrə nişanlı avtobusda baş verib. Sərnişinlərdən biri sürücüyə avtobusu dayanacaqdan kənarda saxlamağı tələb edib. Lakin sürücü sərnişinin bu qanunsuz tələbini yerinə yetirməyib. Bundan sonra sərnişin sürücüyə qarşı kobud ifadələr işlədərək əlbəyaxa davaya cəhd edib. İnsidentlə bağlı sürücü dərhal Daxili İşlər Nazirliyinin "102" xidməti-zəng mərkəzinə məlumat verib. 

"BNA bir daha sərnişinləri və sürücüləri bir-birinə qarşı münasibətdə etik davranış qaydalarına əməl etməyə çağırır və ictimai nəqliyyatdan istifadə edərkən müəyyən edilən qaydalara əməl etmələrini tövsiyyə edir. BNA bununla bağlı mütəmadi olaraq həm sürücülər həm də sərnişinlər üçün müxtəlif maarifləndirmə tədbirləri həyata keçirir, - M.Ağayev qeyd edib.

Son xəbərlər

Orphus sistemi