Beynəlxalq daşımalarda konteyner qıtlığı yaranıb

“Hazırda Çindən digər ölkələrə mal ixrac etmək üçün konteyner tapmaqda problem yaşanır. Ancaq martda vəziyyətin normallaşacağını gözləyirik".

“Report” xarici mətbuata istinadən xəbər verir ki, bunu Türkiyənin Ege İxracatçılar Birliyinin (EIB) rəsmisi Jak Eskinazi deyib.

Beynəlxalq Nəqliyyat və Logistik Xidmət Təminatçıları Birliyinin İdarə Heyətinin üzvü Taner İzmirlioğlu isə bildirib ki, hazırda Çində ixracın yüksək olduğu vaxtlardır: "Son 2 ayda konterneyr qiymətləri 10 min ABŞ dollarına çatıb. Bununla belə, ixracatda rekord göstəricilər əldə edilib. Boş konteynerlər Çinə gedir, oradan da ABŞ və Avropaya yönəlir. Təxminən 2 aydır davam edən yük artımları, son 1 ayda ixracatçılarımızı yorucu həddə çatdırıb".