Bakının Heydər Əliyev prospektinin əsas yolunda hərəkət məhdudlaşdırılıb

Bakının Heydər Əliyev prospektində baş verən ağır yol nəqliyyat hadisəsi səbəbindən “Koroğlu” metro stansiyası istiqamətində əsas yolda hərəkət məhdudlaşdırılıb.

"Report" bu barədə Bakı Nəqliyyat Agentliyinə istinadən xəbər verir.

Məlumata görə, hazırda “Koroğlu” istiqamətində kənar yolda, eləcə də Xətai prospektindən və Yusif Səfər küçəsindən Heydər Əliyev prospektinə çıxışda nəqliyyat vasitələrinin hərəkətində sıxlıq müşahidə olunur.

Sıxlıqla əlaqədar Heydər Əliyev prospektindən keçən bütün marşrut xətləri üzrə avtobusların hərəkətində çətinliklər yaranıb.