Bakıdakı yanğınla əlaqədar nəqliyyat vasitələrinin hərəkətində məhdudiyyətlər yaranıb

Bakı. 25 fevral. REPORT.AZ/ Bakının Yasamal rayonunun Şəfaət Mehdiyev küçəsində çoxmərtəbəli yaşayış binasında baş verən yanğınla əlaqədar qeyd edilən ərazidə nəqliyyat vasitələrinin hərəkətində məhdudiyyətlər yaranıb.

Bu barədə “Report”a Bakı Nəqliyyat Agentliyindən bildirilib.

Məlumata görə, bu səbəbdən Ş.Mehdiyev küçəsi və Tbilisi prospekti şəhər istiqamətində hərəkət edən müntəzəm marşrut xətti üzrə avtobusların hərəkət intervalında da gecikmələr müşahidə edilir: “Hazırda avtobuslararası intervalın stabilləşməsi üçün zəruri tədbirlər görülür. Sərnişinlərdən bunu anlayışla qəbul etmələrini xahiş edirik”.