​Bakı Metropolitenində qatarların sayı artırılıb

Bakı. 30 mart. REPOERT.AZ/ Bakı metrosu bayram tətilindən sonra yenidən əvvəlki qrafiki üzrə işə başlayıb. Belə ki, bayram günlərində saatda 24 qatar xəttə buraxılmışdısa, artıq qatarların sayı 30-a çatdırılıb.

Bunu "Report"a açıqlamasında “Bakı Metropoliteni” QSC-nin mətbuat xidmətinin rəhbəri Nəsimi Paşayev bildirib.

Onun sözlərinə görə, bayram günləri ilə müqayisədə iş günləri metrodan istifadə edən sərnişinlərin sayının çoxalması ilə əlaqədar qatarlar arasında interval azaldılıb: "Bu gündən təxminən metropolitenin xidmətindən 650 minə yaxın sərnişin istifadə edir".