"Bakı Metropoliteni" bir ay ərzində daha iki qatar gətirəcək

“Bakı Metropoliteni” QSC qarşıdakı 1 ay ərzində Rusiyadan 10 vaqondan ibarət növbəti iki qatarı Bakıya gətirməyi planlaşdırır.

"Report" xəbər verir ki, bunu jurnalistlərə “Bakı Metropoliteni” mətbuat xidmətinin rəisi Bəxtiyar Məmmədov deyib.

B.Məmmədovun sözlərinə görə, növbəti 10 vaqon isə sentyabrda gətiriləcək:

"Qatarlar gətiriləndən sonra texniki baxışdan keçiriləcək və qısa zamanda xəttə buraxılacaq. Bu zaman isə istismar müddətini başa vuran qatarlar xətdən çıxarılacaq".

Xatırladaq ki, "Bakı Metropoliteni" bu ilin əvvəlində Rusiya ilə 30 vaqonun alınması ilə bağlı anlaşıb. Artıq 10 vaqon Bakıya gətirilərək bu gün xəttə buraxılıb.