İşğaldan azad edilmiş ərazilər və Naxçıvan MR istisna olmaqla "Azərsu" ASC ölkənin qalan ərazilərində 3 316 kənd və qəsəbəyə xidmət göstərir.
"Report" xəbər verir ki, bunu jurnalistlərə açıqlamasında səhmdar cəmiyyətinin mətbuat katibi Anar Cəbrayıllı bildirib.
"Bu gün yaşayış məntəqələrinin çoxu suya tələbatını fərdi qaydada ödəyir. 387 kənd və qəsəbə mərkəzləşmiş şəbəkə ilə təmin edilib, 234 kənddə ümumi istifadədə olan bulaqlar mövcuddur, 432 kənddə modul tipli təmizləyici qurğular quraşdırılıb", - deyə o, qeyd edib.