"Azəristiliktəchizat”ın sədr əvəzi Salyanda vətəndaşları qəbul edib

"Azəristiliktəchizat” ASC-nin sədrinin vəzifəsini müvəqqəti icra edən İlham Mirzəliyev Salyan rayonunda Salyan və Neftçala sakinlərini qəbul edib.

"Report" bu barədə səhmdar cəmiyyətinə istinadən xəbər verir.

Məlumataq görə, qəbulda vətəndaşların müraciət və təklifləri dinlənilib, qaldırılan məsələlərin hərtərəfli öyrənilməsi və qanunvericiliyin tələblərinə uyğun operativ şəkildə həll edilməsi üçün müvafiq tapşırıqlar verilib. Vətəndaşların müraciətlərinin bir qismi yerindəcə həllini tapıb, qaldırılan bəzi məsələlər isə araşdırılması üçün nəzarətə götürülüb.