Azərbaycanın tranzit potensialı 5 ildən sonra 700 milyon dollara çatacaq

Azərbaycanın tranzit potensialı 5 ildən sonra 700 milyon dollara çatacaq Bunu "Qazaxıstan Dəmir Yolları"nın prezidenti bildirib
İnfrastruktur
1147
13 Oktyabr , 2015 17:27
Azərbaycanın tranzit potensialı 5 ildən sonra 700 milyon dollara çatacaq

Bakı. 13 oktyabr. REPORT.AZ/ Azərbaycanın tranzit potensialı 2020-ci ilə qədər 300 min konteynerə çatacaq. "Report" xəbər verir ki, bunu bu gün Bakıda "Azərbaycanın tranzit potensialının inkişaf perspektivləri" mövzusunda keçirilən konfransda "Qazaxıstan Dəmir Yolları" ASC-nin prezidenti Əskər Mamin bildirib.

"Biz Transxəzər marşrutunun, xüsusilə Gürcüstan və Türkiyəni birləşdirəcək Qars-Axalkalaki dəhlizinin potensialını yüksək qiymətləndiririk. 2020-ci ilə qədər Azərbaycanın tranzit potensialının həcminin 600-700 mln. dollara çatacağını görürük. Bu, Çin və Qafqaz ölkələri, Çin və Türkiyə arasında ticarət əlaqələrinin genişlənməsinə, Qazaxıstandan keçməklə Asiya-Avropa istiqamətinin, Xəzər dənizi - Azərbaycan və daha sonra Avropaya yerüstü tranzit marşrutlarının inkişafına xidmət edəcək. Potensial olduqca yüksəkdir və bu gün bu həcmləri reallaşdırmaq üçün zəruri infrastruktur tikilir. Qazaxıstan bu işə öz töhfəsini verir və ölkənin mərkəzindən Aktau limanına olan məsafəni azaltmaq məqsədilə 1 000 km yol tikib", - Ə.Mamin əlavə edib. 

Son xəbərlər

Orphus sistemi