Azərbaycanda ötən il yol təsərrüfatına 726 min manat ziyan vurulub

Ötən ildə Azərbaycanda yol təsərrüfatına 725,8 min manat ziyan vurulub ki, bunun da 524,8 min manatı və yaxud 72,3%-i ödənilib.

"Report" xəbər verir ki, bunu Azərbaycan Avtomobil Yolları Dövlət Agentliyinin (AAYDA) İdarə Heyətinin sədri Saleh Məmmədov keçirdiyi brifinqdə bildirib.

Onun sözlərinə görə, ötən il ölkədə yol qurğu və elementlərinə ziyan dəyməsi ilə nəticələnə 618 yol-nəqliyyat hadisəsi baş verib. Bunun nəticəsində 7 803 pm əyrixətli tirlər, 118 pm beton bardür, 129,4 m2 tamet bəzək daşı103 m2 asfalt-beton örtük, 208 pm mühafizə çəpərləri, 25 işıq dirəyi, 25 ədəd yol nişanı, 7 ədəd məlumat lövhəsi, 3 ədəd sərnişin dayanacağı, 18 ədəd səsboğucu lövhə, 1 ədəd hidravlik baryer və mühərriki, 164 m2 alkapon üzlük və 32,5 pm körpü məhəccəri yararsız hala düşüb.