Azərbaycanda metrodan istifadə edən sərnişinlərin sayı 4 %-ə yaxın artıb

Bu ilin yanvar-may aylarında Bakıda metro nəqliyyatının xidmətlərindən istifadə edən sərnişinlərin sayı ötən ilin eyni dövrünə nisbətən 3,6 % artıb.

“Report” Dövlət Statistika Komitəsinə istinadən xəbər verir ki, Bakı Metropolitenindən istifadə edənlərin sayı 95,1 milyon nəfər olub.

Qeyd edək ki, hazırda metro stansiyalarının ümumi sayı isə 27, Bakı metrosunun ümumi uzunluğu 40,7 kilometrdir.

Bakı Metropoliteninin konseptual inkişaf proqramına uyğun olaraq, 2030-cu ildə paytaxtın yeraltı yollarının ümumi uzunluğu 119,1 kilometrə, stansiyaların sayı isə 76-ya çatdırılacaq.