Azərbaycanda dəniz nəqliyyatı ilə daşınmış yüklərin həcmi azalıb

Bu ilin yanvar-avqust aylarında Azərbaycanda dəniz nəqliyyatı ilə daşınmış yüklərin həcmi 5 milyon 643,7 min ton təşkil edib və əvvəlki ilin müvafiq dövrünə nisbətən 8,8 % azalıb.

“Report” Dövlət Statistika Komitəsinə istinadən xəbər verir ki, yüklərin 48,3 %-ni neft yükləri təşkil edib.

Dəniz limanları tərəfindən 9 milyon 269 min ton həcmində yükləmə-boşaltma işləri həyata keçirilib və yüklərin 7 milyon 421,9 min tonunu və ya 80,1 %-ni tranzit yüklər təşkil edib.

2024-cü il sentyabr ayının 1-i vəziyyətinə limanlarda qalan yüklərin həcmi 409,1 min ton olub.

Dövr ərzində bu nəqliyyat növü ilə daşınmış sərnişinlərin sayı 2023-cü ilin müvafiq dövrünə nisbətən 20,6 % artaraq 18,7 min nəfər olub.