Azərbaycanda dəmir yollarına investisiya qoyuluşu 5 mlrd. dollara çatdırılacaq

Azərbaycanda dəmir yollarına investisiya qoyuluşu 5 mlrd. dollara çatdırılacaq Bakı. 13 mart. REPORT.AZ/ 2010-2020-ci illər ərzində Azərbaycan dəmir yolu təsərrüfatına 5 mlrd. ABŞ dolları məbləğində investisiya qoyulması nəzərdə tutulub. Artıq bu vəsaitin bir hissəsi yatırılıb. 
İnfrastruktur
1880
13 Mart , 2018 15:41
Azərbaycanda dəmir yollarına investisiya qoyuluşu 5 mlrd. dollara çatdırılacaq
“Azərbaycan Dəmir Yolları” QSC-nin (ADY) sədr müavini Hicran Valehov / Report/ Elchin Murad

Bakı. 13 mart. REPORT.AZ/ "2010-2020-ci illər ərzində Azərbaycan dəmir yolu təsərrüfatına 5 mlrd. ABŞ dolları məbləğində investisiya qoyulması nəzərdə tutulub. Artıq bu vəsaitin bir hissəsi yatırılıb". 

“Report” xəbər verir ki, bunu Bakıda keçirilən ATƏT Parlament Assambleyasının (PA) İpək Yoluna Dəstək Qrupunun beynəlxalq konfransının nəqliyyat və loqistika prosedurlarının sadələşdirilməsi ilə bağlı panel iclasında “Azərbaycan Dəmir Yolları” QSC-nin (ADY) sədr müavini Hicran Valehov deyib.

O bildirib ki, bu investisiyalar beynəlxalq maliyyə institutları ilə birlikdə qoyulur. 

"Bakı-Boyük Kəsik dəmir yolu xətti yeniləndikcə elektrik sistemi sabit cərəyandan dəyişən cərəyana keçirilir. Ən uğurlu layihələrdən biri də 8,8 km-lik Astara-Astara layihəsidir ki, bu zaman 82 m korpü tikilib. Bu vaxta qədər 1 000-dən çox vaqon alınıb. Konteynerlərin alınması məsələsinə önəm verdiyimiz üçün bu il də bu işlərin davam etdirilməsini nəzərdə tuturuq. Artıq bu məqsədlə dövlət büdcəsindən vəsait ayrılıb". 

Son xəbərlər

Orphus sistemi