Azay Quliyev: “30 min əhalisi olan ərazidə poliklinika yoxdur”

“Biz dövlət büdcəsində səhiyyə xərclərinin artırılmasından danışırıq, amma Bakıda 30 min əhalisi olan ərazidə - 6-cı mikrorayonda poliklinika yoxdur”.

“Report” xəbər verir ki, bunu Milli Məclisin Hüquq siyasəti və dövlət quruculuğu, Müdafiə, təhlükəsizlik və korrupsiya ilə mübarizə, İnsan hüquqları, Beynəlxalq münasibətlər və parlamentlərarası əlaqələr komitələrinin birgə iclasında deputat Azay Quliyev deyib.

“Bundan başqa, bu gün paytaxtın Binəqədi rayonunda kəskin qəzalı vəziyyətdə olan 2 bina var. 7-ci mikrorayonda 10-dan çox mənzilin kanalizasiya sistemi, 8-ci mikrorayonda 1 154 mənzilin istilik sistemi yoxdur”, - deyə o, qeyd edib.