Anar Quliyev: "İstixana qazı emissiyalarının 40 %-dən çoxu şəhərlərin payına düşür"

Hazırda dünyada istixana qazı emissiyalarının 40 %-dən çoxu şəhərlərin payına düşür.

"Report" xəbər verir ki, bunu Dövlət Şəhərsalma və Arxitektura Komitəsinin sədri Anar Quliyev Bakıda keçirilən "Azərbaycanda Yaşıl Tikinti" mövzusunda dəyirmi masada bildirib.

Onun sözlərinə görə, tikinti sektoru ətraf mühitə birbaşa təsir edən sahələrdən biridir: "Orta hesabla karbon emissiyasının 37 %-dən çoxu bu sahənin payına düşür. Tam həyat dövrünü nəzərə alsaq, binalar dünyanın təbii ehtiyatlarının 50-70 %-ni istehlak edir. Odur ki, qlobal istiləşmənin yaratdığı iqlim böhranı şəraitində dayanıqlı və ətraf mühitin mühafizəsinə istiqamətlənən tikinti təcrübələri getdikcə daha çox əhəmiyyət kəsb edir".